Uhulumende Uqinisa Umsebenzi Wokulwisana leTB

WASHINGTON —  EleZimbabwe liqhube owalo umkhosi ngolweSine owokunanza ilanga lomkhuhlane wofuba i-World Tubercolosis Day, enkundleni yeMucheke Stadium eMasvingo lapho uhulumende agczizelele ukuthi usebenze gadalala ukwehlisa ukumemetheka komkhuhlane wofuba lweTuberculosis elizweni.

Kulumkhosi, kubikwa bekusinwa, kuhlatshelwa, njalo kusenziwa imidlalo efundisa abantu ngendlela yokuzivikela kanye lokuthola usizo kumkhuhlane wofuba.

Lonyaka, ilanga leli linanzwa ngumhlaba wonke jikelele mhlaka 24 kuyonale inyanga.

Ukuhlaziya ngokuphathelane lomkhuhlane wofuba, iStudio 7 ixoxe loMnu. Sipho Mahlangu isiphathamandla senhlanganiso elwela amalungelo abantu abaphila legcikwane le HIV kanye lomkhuhlane we ngculaza i-Zimbabwe National Network of People Living with HIV/AIDS endawonye lokhansila Ernest Rafa Moyo ilunga lekhomithi ebona ngezempilakahle kumanisipala wedolobho lakoBulawayo.

Ukhansila Moyo usungule lingxoxo ngokuchasisela uSithandekile Mhlanga we Studio 7 ngenhlelo zokuphathisa abantu abalomkhuhlane we TB kulelidolobho.

Ingxoxo LoKhansila Ernest Rafa Moyo Endawonye LoMnu. Sipho Mahlangu