WASHINGTON DC —
Uhulumende usengeze isikhathi sokuvalwa kwelizwe phansi kweLockdown Level 4 ngamanye njalo amaviki amabili.
Umphathintmbo obona ngokwethulwa kwemibiko uNkosikazi Monica Mutsvangwa wazise izolo ukuthi bathethe inyathelo leli ngoba umkhuhlane weCovid-19 ulokhe umemetheka.
Izolo kubhubhe abantu abangamatshumi phose amathathu, 27, ngalumkhuhlane. Kutholakale njalo abedlula amakhulu amathathu, 319, belawo.
Abahlatshwe ijekiseni yakuqala yokuvikela lumkhuhlane bafika inkulungwane ezingamatshumi phose amane, 37,016. Abahlatshwe eyesibili bedlula kancane inkulungwane ezingamatshumi amabili, 23,397.
Asebehlatshwe ijekiseni yakuqala bonke sebengu-2,382,359 kuthi asebehlatshwe eyesibili njalo ingeyokucina sebengu-1,506,445.