Uhulumende usemise umsebenzi inhlanganiso ezizimeleyo ezisebenzela eHarare ezingamthumelanga imininingwane yomsebenzi wazo, okuyinto ecunule abalwela amalungelo njalo etshiye amakhulu abantu engasela misebenzi.
Ugatsha lwezabelo lwathumela umlayezo kunhlanganiso ezizimelyo ngoNhlangula lusithi kusiyafika linyanga kumele zibe sezimuphe imininingwane yazo kodwa kwaphendula ezingamatshumi amane kuphela, okuyizo zodwa esezivunyelwa ukusebenza.
Kumbiko awethule ngoLwesine, obona ngokuthuthukiswa kwesigaba seHarare uMnu Tafadzwa Muguti wazise ukuthi inhlanganiso ezivunyelwa ukusebenza lezi zigoqela eyeAction Aid Zimbabwe, iHarare Residents Trust, iLegal Resource Foundation lezinye.
Uthe zonke inhlanganiso ezingekho kuluhlu lolu zizamiswa ukusebenza ngamapholisa andubana zibhalise kuhulumende.
Isikhulumeli senye yenhlanganiso esezivaliwe eyeZimbabwe Union of Residents and Ratepayers Association uMnu Marvellous Khumalo usole kakhulu inyathelo likahulumende leli.
Your browser doesn’t support HTML5
Ingxoxo loMnu Marvellous Khumalo
Owake waba yisiphathamandla somanyano weNational Association of Non-Governmental Oganisations (NANGO) utshele iStudio 7 ukuthi uhulumende engaba ethethe lelinyathelo ngoba elungiselela ukhetho.
Your browser doesn’t support HTML5
Ingxoxo loMnu Anglistone Sibanda