Uhulumende weEswatini useyenqabele abantu bakulelolizwe ukuthi behamba-hambe ebusuku kusukela ngehola lesithupha ntambama kusiya kwelesihlanu ekuseni ngesikhathi ukutshengisela kulokhe kuqhubeka kulelolizwe abantu besola abathi yikwephulwa kwelungelo loluntu yiNkosi uKing Mswati III.
Osaphethe isikhundla senhloko kahulumende weEswatini uMnu. Themba Masuku izolo ntambama uthe kulabantu asebesephula umthetho kulokhu ukutshengisela bediliza impahla, wengeza wathi i curfew le izakwenqabela ukumemetheka kwegcikwane leCovid-19.
Phambilini kwalokhu, eloba enkundleni yebulenjini yeTwitter, uphikile ukuthi inkosi isibalekile elizweni wathi ilokhe ibusa ngenjongo yokuthuthukisa ilizwe, wakhuthaza abantu ukuthi belondoloze ukuthula.
Abalwela ilungelo loluntu bathi amapholisa lamasotsha ahlukuluza ababhikitshayo, njalo aphosele intuthu etshisayo lapho abakade betshengisela khona, kwalimala abanye.
UMnu. Vuyani Dlamini, isikhulumeli sebandla leEFF-Swaziland, obephakathi kwalokhu ukutshengisela uchasisela iStudio7 okunengi ngaloludaba.
Your browser doesn’t support HTML5
Ingxoxo loMnu Vuyani Dlamini