Omunye wabahluleli bomthethwandaba weSupreme Court eMelika uJustice Stephen Breyer usetshiya umsebenzi, kubike iAP.
UBreyer uleminyaka yokuzalwa engamatshumi ayisitshiyangalombili lantathu, 83 njalo ungomunye wabahluleli balinkantolo abeyamele kuhlangothi lwamaDemocrats.
Abeyamele kumaRepublicans bayisithupha, okuyinto esolwa ngabanye abathi uMongameli Joe Biden kumele engeze abahluleli balinkantolo ngokukhetha abanye abaseceleni lamaDemocrats ukuze kube lokulingana ngoba iSupreme Court isiyamele kakhulu kumaRepublicans.
Ukutshiya kukaBreyer umsebenzi kupha uBiden ithuba lokugcwalisa isithembiso asenza ngesikhathi ekhankasela ukhetho nyakenye esokuthi uzakhetha owesifazana wakuqala embalini yeMelika ukuba ngumahluleli weSupreme Court.
UBreyer wangena esikhundleni lesi ngo1994 ngemva kokukhethwa nguMongameli Bill Clinton owebandla lamaDemocrats.
Ingcwethi kwezombusazwe uMnu Effie Dlela Ncube utshele iStudio 7 ukuthi ngempela uMongameli Biden usethole ithuba elihle lokugcwalisa isithembiso sakhe ebantwini abansundu abamvotelayo.
Your browser doesn’t support HTML5
Ingxoxo loMnu Effie Dlela Ncube