Amakhansila angamatshumi amabili lasifica munwe munye anqobe kukhetho olwedluleyo, bakhethe uMayor wedolobho lako Bulawayo lomsekeli wakhe eBulawayo City Council Chamber emkhosini ongenwe yizakhamizi zaleli dolobho.
Bonke bobabili uKhansila Mguni lokhansila Kambarami ngabasakhulayo abaleminyaka engaphansi kwengamatshumi amane yokuzalwa.
UMabhalane omkhulu wekhansili yakoBulawayo, uTown Clerk Christopher Dube uchasise kabanzi ngokukhethwa kukaMayor lomsekeli wakhe.
UProvincial Administrator wakoBulawayo, uNkosikazi Khozani Ncube laye uchasise kabanzi ngendlela ukhetho oluqhutshwe ngakhona engumcinisihlalo wokhetho.
Kodwa uKhansila kaWard 17, uNkosikazi Sikhululekile Moyo uthi ukhetho alulandelanga isimiso sebandla.
UMguni ongukhansila kaWard 23, uveze ukujabula ngemva kokunqoba kwakhe ukuba nguMayor wakoBulawayo.
Abantu bako Bulawayo bake batshengisela ngesikhathi sekukhethwe umsekeli kaMayor uKambarami abaveze ukungamujabuleli ngoba bebefuna uKhansila Mlandu Ncube obekhangelele ukuba athathe leso sikundla. Izakhamizi zakoBulawayo ezinengi zisole kakhulu impumela yokhetho lomsekeli kaMayor.
Ukhansila Mguni uthole amavoti alitshumi lasikhombisa - 17, kuthi uKhansila Norman Hlabano wathola alitshumi lambili -12. Umsekeli kaMayor uKambarami uthole alitshumi lasithupha -16, uMlandu Ncube wathola alitshumi lantathu- 13.
Ukuhlaziya udaba lokhetho luka mayor wedolobho lakoBulawayo, kanye lengxabangxoza eke yaqhamuka ngeviki edluleyo lapho omunye ukhansila walelidolobho ekhethe ukufungiswa ngolimi lwesiShona. Umsakazo weStudio 7 uxoxe lengcwethi kwezamasiko njalo engumlobi, uMnu. Isaac Mpofu.
Your browser doesn’t support HTML5
Ingxoxo loMnu. Isaac Mpofu