Kulembiko egcwele enkundleni zokuxhumana ekhomba ukuba ukhetho lwama-by-elections lulakho ukwenziwa mhlaka 23 kuMabasa ngomnyaka ozayo.
Izikhundla zamalunga ephalamende ezifika amatshumi phose amathathu, 28, kanye lezamakhansila ezedlula ikhulu zavuleka ngemva kokuxotshiswa kwamalunga eMDC Alliance yinkokheli yebandla leMDC-T.
Uhulumende ubesithi ukhetho ngeke lwenziwe ngenxa yeCovid-19 lanxa nje amanye amazwe agoqela eleSouth Africa, Malawi leleMozambique eseqhube ezawo inketho.
Owake wamela isigaba seBinga North edale lephalamende, uMnu. Prince Dubeko Sibanda utshele iStudio 7 ukuthi uhulumende ucatsha ngomunwe ngoba esesaba ukuthi ibandla leZanu PF lizanqotshwa.
Your browser doesn’t support HTML5
Ingxoxo loMnu Prince Dubeko Sibanda
Lumsakazo uzamile ukukhuluma leziphathamandla zeZimbabwe Electoral Commission (ZEC) ngalimbiko kodwa bezingadobhi incingo zazo.