Esigabeni sethu sengxoxo lezizalwane zeZimbabwe esezihlala kwamanye amazwe silodaba oluzwisa usizi, lwesihluku esehlele untombazana oleminyaka elitshumi lathoba minwe mbili yokuzalwa, oze wazothathwa ekuseni esalele ngabohlangothi olubona ngendaba zabakwamanye amazwe abadinga ukuzohlala kweleBhilithani ukuthi bakwenza ngokusemthethweni na, abe Immigration.
Ngezinye zezikhathi izisebenzi zeImmigration ziyenza angathi ngabantu abangela nhliziyo bephatha abokuza ngesihluku. Sithanda ukukubeka sobala kudaba lwethu ukuthi ayisibo bonke abasebenzela uhlangothi lweImmigration abalesihluku bakhona sibili abalenhliziyo zabo ezinhle ezazi ukuthi abokuza labo ngabantu.
Unkosazana Emmaculate Tshuma ngomunye odibane labalenhliziyo embi abamubambe ngesihluku esesabekayo udaba lwakhe lwaphuma enkundleni zebulenjini abantu basala bephethe ongawaphansi.
U-Emmaculate uphose waphindiselwa ekhaya esehanjiswe lasenkundleni yendizamtshina, esegadisiwe lokugadiswa kodwa ngenxa yokungenela kwemuli yeZimbabwe wacina esehliswa.
Imuli yeZimbabwe labakwamanye amazwe bathumele imbiko lokuthinta ngomakhalekhukhwini umtshayeli wendizamtshina eyenkampani eye Kenya Airlines ukuthi aphathise kulolu daba.
Umtshayeli walile ukusukumisa indizimtshina lapho esengenile phakathi uEmmaculate ekhala etshengisa ukuthi uhlukumezekile, kwacina sokuphunyiswa isikhwama sakhe laye. Uthe esebuyiselwe lapho akade egcinelwa khona kungoLwesihlanu ngoLwesibili wazibona esekhululwe ukuthi abuyele ngekhaya kosisi wakhe lapho ahlala khona.
Intombi yakoTshuma ilandisa okuyehlele enyangeni ezimbalwa ezedluleyo kungxoxo leStudio 7.
Your browser doesn’t support HTML5
EzeDiaspora: Ingxoxo lontombazana owehlelwe luhlupho eseBhilithani, Emmaculate Tshuma