Izizalwane zeZimbabwe ezivakatshela kwele South Africa zingena ngomngcele weBeitbridge sezisole indlela uhulumende weSouth Africa aqhuba ngayo uhlelo lokuhlola abantu umkhuhlane weEbola, zisithi kulendawo eyodwa kuphela eyokwenza lokhu, osokubangele ukuthi kube lendwendwe ezinde kakhulu kulindawo.
Inhlanganiso ye Zimbabwe Youth Parliament, ithi abantu baphathwa njengenkomo zisiya edibha njalo ithi kufanele uhulumende weZimbabwe akhulumisane loweSouth Africa ngaloludaba, ngoba abantu bengahlonitshwa yilabo abaqhuba lumsebenzi.
Kodwa uMnu Ngqabutho Mabhena, umgcinisihlalo wenhlanganiso elwela amalungelo ezizalwane zeZimbabwe ezihlala kwele South Africa eye Zimbabwe Community in South Africa utshele uSithandekile Mhlanga weStudio 7 ukuthi lokhu yinhlalayenza njalo abahamba ngemota ezincinyane abahlolwa, kukanti indwendwe zibangelwa yikuthi sebebanengi abantu abachapha kulumngcele njengoba isikhathi sekhisimusi sesisondele.
Your browser doesn’t support HTML5
Ingxoxo LoMnu. Ngqabutho Mabhena