UNkosikazi Joice Mujuru ubekhangelelwe ngabanenig ukuthi uzakhokhela ibandla elingathatha intambo zombuso kubandla leZanu PF kusukela waxotshwa kubandla leli wazisa ukuba uzakhokhela ele Zimbabwe People First.
Kodwa ngemva kwenyanga ezimbalwa sekuphoselwana aqatha kulelibandla abanye besithi sebesuka bebuyela kubandla leZanu PF. Kambe kungaba kwenzakalani kulelibandla ebesiliphe abanengi ithemba?
Ukuhlaziya loludaba sixoxe lengcwethi ecubugnula ezombusazwe, uMnu. Rejoice Ngwenya endawonye lesikhulumeli sebandla le Zimbabwe People First, uMnu. Methuseli Moyo onguye oqala lingxoxo.
UMoyo uthi lanxa kulenkulumo ebandleni leli ngamanga ukuthi ludubo olukhulu oseluqhamukile ngoba inhlelo zebandla leli ziqhubeka kuhle phambilini komdlangano omkhulu wokukhetha inkokheli ozenzwa ekupheleni komnyaka.
"Kubandla lethu le Zimbabwe People First konke kuhamba kuhle. Konke kuhamba kuhle akuladubo," kutsho uMoyo.
Kodwa uNgwenya uthi lanxa kukuhle ukuthi kube lamabandla amanengi elizweni yikuthi inkinga ekhona abantu abanengi baphuma kubandla leZanu PF so vele ubudlwangudlwangu lobuqili abusoze buswelakale.
"Sokuzaletha umbuzo othi nxa uMoyo esithi kuhamba kuhle nga uyakhuluma iqiniso ukwenzala ukuthi thina ama analyst sincedise ukuthi kanti vele kuhamba njani," kutsho uNgwenya.
Your browser doesn’t support HTML5
Ingxoxo loMnu. Methuseli Moyo loMnu. Rejoice Ngwenya