Ukuqhamuka kwegcikwane leCoronavirus, lona eselisabelele emhlabeni jikelele njalo lahlasela abambalwa eZimbabwe, sokuphazamise inengi eVictoria Falls, lapho inengi elithembe imali evela kwabethekelela indawo zokuzithokozisa kulelidolobho, ama tourists.
Inengi labasebenza kumankampani e tourism lithi selimisiwe umsebenzi njalo lizihlalele emizini yalo ngoba izethekeli zingasalugxobi elizweni ngenxa yeCoronavirus.
Lokhu kwenzakala amazwe amanengi, agoqela eleZimbabwe, esekhuthaze abantu ukuthi behlale ezindlini ngendlela yokwenqabela ukumemetheka kwaleligcikwane, eselibulele umuntu oyedwa elizweni.
Okunengingi ngaloludaba asikuzweni kungxoxo loMnu. Lawrence Ndiweni, ongusomabhizimusi kulelidolobho.
Your browser doesn’t support HTML5
Ingxoxo loMnu. Lawrence Ndiweni