Ukuxokozela emathuneni eNational Heroes’ Acre ngeSonto, lapho kungcwatshwa owayengumphathintambo wedolobho le Masvingo, uNkosikazi Shuvai Ben Mahofa, kutshiye inengi lizibuza ukuthi ibandla leZanu PF lizaphumelela na kukhetho lomnyaka ozayo?
Abanye abantu abakade besemathuneni awe National Heroes Acre, abazange bafihle imicabango yabo yokuthi uMphoko kabafuni ukuthi akhokheli umngcwabo lo.
UMphoko ucatshangelwa ukuthi ukucele leZanu PF ele G40 kuthi umuyi yena ubecatshangelwa ukuthi uku Team Larcoste okulixuku elisekela uMnu. Emmerson Mnangagwa.
Kumaviki amathathu adluleyo uNkosikazi Grace Mugabe, owaziwa ngokuba kucele le G40 uthuke uNkosikazi Mahofa okucunule abasekeli abe Team Larcoste.
UMphoko uqhubeke ekhuluma emngcwabeni wayizolo lanxa abantu besuke ngobunengi, okungakaze kwenzakale embalini yelizwe. Ukuhlaziya loludaba sixoxe lengcwethi ecubungula ezombusazwe, uMnu. Ambrose Sibindi.
"Lokhu kungaba yindlela enhle sibili kulabo abaphikisayo ngoba umumo ungaqhubeka unje balakho ukunqoba kukhetho," kutsho uSibindi.
Your browser doesn’t support HTML5
Ingxoxo loMnu. Ambrose Sibindi