Ukuza elizweni ngemva kwenyanga abe esedlulela phambili ehlale amahola amalutshwane sekudale inkulumo uzulu lamabandla aphikisayo besithi uMongameli Robert Mugabe useyehluleka ukubusa.
UMugabe wasuka elubhekise kwele Singapore ekupheleni komhlangano webandla lakhe owenziwa kanye ngomnyaka owe conference ilizwe liphakathi kwendubo ezimbalwa ezibalisa ukusilela kwemali lokunye.
Kusukela ekuqaleni kwenyanga kaMpalakazi nyakenye lapho uMongameli Mugabe aze asuke elizweni imihlangano yedale labaphathintambo leyedale lePolitburo yebandla leZanu PF ibingenziwa.
Ukuhlaziya loludaba sixoxe lengcwethi ecubungula ezombusazwe, uMnu. Dumisani Nyongolo Nkomo.
UNkomo uthi: "Akulunganga ukuthi nxa ibhasi isikhanya ukuthi isizawela emfuleni umtshayeli asuke aye kwenye indawo, ibhasi sekukhanya ukuthi isisiyakuwa."
Your browser doesn’t support HTML5
Ingxoxo loMnu. Dumisani Nkomo