Uhulumende uthi amajekiseni awokwenqabela i-COVID 19 akhona elizweni njalo azakwabiwa kutsha esuswa lapho okungelabantu abanengi abawafunayo esiwa kwabawadingayo, njalo amanye azalethwa elizweni kuyonale inyanga.
Lokhu kugcizelelwe nguDokotela Agnes Mahomva, isiphathamandla sikahulumende esiphethe loludaba, ekhuluma emsakazweni weZBC ngoLwesihlanu.
Ugatsha lwezempilakahle solwazise ukuthi abantu bengamukela lumjovo esibhedlela seParirenyathwa, Sally Mugabe, leChitungwiza Central Hospital.
Kusenjalo, ingcwethi ecubungula ukusebenza kwaamajekiseni e-COVID 19 uDokotela Elopy Sibanda, oyisikhwicamfundo kwezama vaccine, uthi asebephuzile ukuhlatshwa ijekiseni yesibili bengakhathazeki ngoba akusoze kuphazamise umzimba nxa sebehlatshwa eyesibili.
Your browser doesn’t support HTML5