Ukusilela kwemali emabhanga sekubangele ukuthi ukusetshenziswa kwamakhadi ebhanga, okuthiwa yi plastic money, kubhahe elizweni.
Umphathintambo wezomnotho, uMnu. Patrick Chinamasa uthi ngalokho uhulumende usezengezelela imitshina yokusebenzisa amakhadi la endaweni zonke ezikahulumende lapho okufunakala khona imali.
UChinamasa utshele iphephandaba le The Herald ukuthi uyemukela ukusetshenziswa kwamakhadi lokhu ngoba sekutshengisa mgceke ukuthi impilo kayisikho kubamba imali uqobo nxa ulekhadi lakho.
Uzulu labosomabhizimusi bebengemukeli ukusetshenziswa kamakhadi lokhu kodwa ngcwethi ecubungula ezenotho, uMnu. Bulisani Ncube utshele iStudio Seven, ukuthi befuna kumbe bengafuni ukusebenzisa amakhadi abantu abala abangakwenza kulokusebenzisa amakhadi la.
"Ngiyavumelana laye ngoba lanxa ubungafuni ukusebenzisa iplastic money le ngoba ungekela ukwenzanjalo akulamali ongayithola," kutsho uNcube.
Your browser doesn’t support HTML5
Ingxoxo loMnu. Bulisani Ncube