Ikolitshi leUniversity of Zimbabwe livaliwe ngoLwesibili abafundi batshelwa ukuthi baphindele emakhaya baphenduke mhlaka 24 ngeviki ezayo kulandela ukuxokozela okube khona kulelikolitshi abafundi betshengisela phezu kokukhalala umsebenzi kwababalisi.
Bebekhala njalo ngodaba lokuthi abadlanga ngoba abaphekayo labo bebambane lababalisi ekukhalaleni umsebenzi.
Ababalisi beUZ labamanye amakolitshi kahulumende agoqela eleNational State University of Science and Technology (NUST) leMidlands State University baphakathi kokukhalala umsebenzi phezu kweholo labo abangakalibhadalwa nguhulumende.
Okucunule abafundi beUniversity of Zimbabwe yikuthi batshelwe ngesiphangiphangi ukuthi basuke ezindlini zalelikolitshi baphindele emakhaya.
Abanye babafundi laba bathi abalandawo zokuhlala eHarare njalo abalayo imali yokuthi baye emakhaya abo.
Sixhume omunye wabafundi beUniversity of Zimbabwe uNkosazana Hlengiwe Mthethwa ukuze sizwe okunengi.
Your browser doesn’t support HTML5
Ingxoxo loNkosazana Hlengiwe Mthethwa