Ezempilakahle

Abaphila LeHIV/AIDS Batshengisela Emahofisini eNational AIDS Council

  • Sithandekile Mhlanga
Bathi iNAC ayabi ngemfanelo imali ephuma esikhwameni se AIDS Levy njalo.abasafinyeleli amaphilisi aweCotrimoxazole leNeverapine.
WASHINGTON —  Abaphila legcikwane elibangela umkhuhlane wengculaza ele HIV kanye labalomkhuhlane wengculaza batshengisele emahofisini ohlangothi lukahulumende olwe National AIDS Council eHarare ngolweSithathu besithi inhlanganiso le ayabi ngemfanelo imali ephuma esikhwameni seAIDS Levy.

Abakade betshengisela batshele iStudio 7 ukuthi abasafinyeleli amaphilisi okulwisana laleligcikwane leli aweCotrimoxazole leNevirapine. Bathi besabela ukuthi ukweqisa ukunatha amaphilisi la kungabangela eminye njalo imikhuhlane kanye ama side-effects.

Kodwa isiphathamandla se National AIDS Council uMnu. Raymond Yekeye uthi isikhwama se AIDS Levy sisetshenziswa kuhle elizweni kodwa ingxaki yikuthi uhulumende ukhupha mbijana-mbijana imali efunakalayo, okubuyesela emuva inhlelo zokulwisana lomkhuhlane wengculaza.

UMnu. Sipho Mahlangu, isiphathamandla senhlanganiso elwela amalungelo abantu abaphila legcikwane lengculaza eye Zimbabwe National Network of People living with HIV/AIDS utshele uSithandekile Mhlanga weStudio 7 ukuthi kunengi inhlanganiso ye AIDS Levy engakwenza ukuthi isikwama lesi sisebenze kuhle.

Your browser doesn’t support HTML5

Ingxoxo LoMnu. Sipho Mahlangu