Namhlanje kuhlelo lwethu Liphuma Lendaba Litshona Lendaba sixoxa loMnu. Ambrose Sibindi isiphathamandla senhlanganiso yezakhamizi eye Bulawayo Progressive Residents' Association sihlaziya udaba lwe mall eGodini ko Bulawayo.
Lindawo ibikhangelele ukuqala ukwakhiwa ekuqaleni kwayonale inyanga ngemali eyizigidi ezingamatshumi ayisithupha, i$60 million ngemva kokuba inkampani ye Terraccorta iphiwe ithuba lokwenza lumsbenzi nge tender.
Kodwa ngoLwesihlanu umphathintambo wezabelo, uMnu. Saviour Kasukuwere lonobhala wogatsha lwakhe, uMnu. George Mlilo benze umhlangano leziphathamandla zekhansili yako Bulawayo besithi umsebenzi wokwakha lindawo kumele ume.
Lanxa singenelisanga ukukhuluma loMnu. Kasukuwere iphephandaba le The Sunday News lilobe udoba oluthi isizatho sokumisa lumsebenzi yikuthi itender eyaphiwa inkampani ye Terraccorta yayingekho emthethweni.
USibindi uthi lanxa sekubonekele ukuthi itender kayiqhutshwanga ngemfanelo bekumele umsebenzi uqhubekele phambili ngoba ukwakhiwa kwali mall bekuzaletha ingqubelaphambili edolobheni lako Bulawayo.
"Ngoba kuleproblem yokuthi into le ingamiswa kuthiwa ibuyele kutender iproblem esiyinanzelelayo yikuthi engxenye kuzathatha eminye iminyaka ethile kungakapasi," kutsho uSibindi.
Your browser doesn’t support HTML5
Uhlelo Liphuma Lendaba