Umthethwandaba kamantshi koBulawayo ngoMvulo ulahle icala lokubangela udlakela ebelisetheswa izakhamizi zalelodolobho ezingamatshumi ayithoba minwe mibili lasithupha, 86 ezabotshwa kulandela ukutshengisela okwenziwa ngenyanga ka Ntulikazi.
Umantshi uNkosazana Charity Maphosa uthe uvumelana lomtshutshisi ukuthi akulabufakazi obukhona ngalokho kumele lelicala lilahlelwe khatshana.
Ukuze bakhulululwe laba bantu uzulu emazweni atshiyeneyo kunye lasekhaya yaphathisa ngokukhipha imali yokubhadala imali yesibambiso sebail eyayisedlula inkulungwane ezimbili zamadola.
Ababotshwayo laba bahla amalanga amabili bengakhululwanga ngoba beswele imali engamadola angamatshumi amahlanu ngamunye ebabemele bayihlawule baze baphathiswa ngabanye.
Lokhu kutsho ukuthi limali isizabuyiselwa ebantwini laba. Kodwa umqondisi wesikhwama lesi, uMnu. Zenzele Ndebele utshele iStudio Seven ukuthi imali le izabuyela kusikhwama sokuphathisa abayabe bebotshelwe ezombusazwe.
"Okuzayenzakala yikuthi kulabantu abangu 13 ababhadalelwa ngomunye umuntu ozathathatha limali. Besekusithi enye le imali eyakhitshwa ngabantu abanenginengi abatshiyeneyo izasiwa esikhwameni esizaphathisa abayabe bebotshiwe," kutsho uNdebele.
Your browser doesn’t support HTML5
Ingxoxo loMnu. Zenzele Ndebele