Amalunga ebandla leMthwakazi Republic Party abotshwe ngeviki edluleyo amiswe edale likamantshi namuhla koBulawayo, lapho amagqwetha abamelayo akhalaze ukuthi ayehlolwa esibhedlela ngoba esithi atshaywa kakhulu ngamapholisa.
Elinye lamagqwetha amela amalunga la, uMnu. Prince Butshe Dube, uthi umthethwandaba ukhangelelwe ukwethula ngoLwesithathu isinqumo sokuthi bayakhululwa ngemali yesibambiso eye bail kumbe hayi.
UMnu. Dube uthi bakhangelele ukuthi babe sebehloliwe ngodokotela ngoLwesithathu.
Your browser doesn’t support HTML5
Ingxoxo loMnu. Prince Butshe Dube
Kusenjalo ibandla leMthwakazi Republic Party lithi amapholisa alilobele incwadi ephika ukuthi abahlukuluza kwesinye isehlakalo esedlulayo lapho okwabulawa amafasitela emota ngomnyaka odluleyo. Kodwa ibandla leli lethule umbiko liphikisa okumunyethwe yincwadi yamapholisa lisithi akusiqiniso.