Esigabeni sendaba eziphathelane lezizalwane zeZimbabwe ezihlala emazweni, liviki siphatha udaba lokutholwa kwengwalo zeDual Citizenship yilabo abahlala emazweni anjenge Bhilithane, eMelika, South Africa, Australia, Canada lakwamanye amazwe.
Uhlangothi lukahulumende olukhangelane ngokupha izizalwane zeZimbabwe ingwalo zokuhambisa ama passports lezinye ingwalo eziqkathekileyo luthi banengi abantu abalobudlelwano leZimbabwe asebedinga ukuthi baphiwe ilungelo lokubayizizalwane zakuleli lizwe.
Isisekelo sombuso welizwe sikubeka sobala ukuthi umuntu ozalelwa eZimbabwe njalo lalowo olomzali owazalelwa kulelozwe ulakho ukunikwa ipassport yeZimbabwe.
Bakhona abasanda kuhambisa udaba lolu emthethwandaba abanjengo Mnu. Mutumwa Mawere bekhala ngokuthi ilizwe liyala ukukubanika idual citizenship njengoba sebelezithupha zakwanye amazwe.
Ukuze sihlaziye udaba lolu, uGibbs Dube weStudio 7 uxoxe loMnu. Mkhululi Ndabambi ohlala eIndianapolis eMelika.
Your browser doesn’t support HTML5
Udaba lweDual Citizenship