Umdlalo wezamasiko owe Zimbabwe International Carnival obusenziwa kundawana ezitshiyeneyo eHarare lase Chitingwiza ugqitshwe ngoMgqibelo.
NgoLwesihlanu kwenziwe ihlandla labahlonitshwa eHarare Rainbow Towers lapho kade kuleziphathamandla zikahulumende ezibalisa umsekeli kamongameli welizwe, uMnu. Emmerson Mnangagwa, owezokwethekelelwa, uMnu. Walter Mzembi kunye labanye.
Abacule kulumbuthano babalisa uOliver Mtukudzi lo mhlabeleli we rhumba odabuka eCongo, uWerrason.
Kodwa abatshiye abanye bebambe owangaphansi ngamantombazana akwele Brazil asina umculo we samba abagida begqoke impahla zenzitha nje kuphela.
Amanye amazwe aphatheke kulumbuthano abalisa iBurundi, China, Cuba, Democratic Republic of Congo,Egypt, Ethiopia, Ghana, India, Jamaica, Mozambique, Malawi,Nigeria, Portugal, South Africa, United Kingdom le Trindad and Tobago.
Ukuhlaziya loludaba sixoxe lesakhamuzi se Harare, uMnu. Peter Moyo, ongukhansila njalo walelodolobho.
UMoyo uthe, "Injongo yakhona vele asiyiboni ukuthi ngeyani ngaphandle kokuletha abantu abahmaba emgwaqweni bengagqokanga, bekhamisile."
Your browser doesn’t support HTML5
Ingxoxo loMnu. Peter Moyo