Kulomfanyana oleminyaka elitshumi lanhlanu, 15, ohlasele ngombhobho kweleMelika lapho afunda khona eMichigan esikolo seOxford High School ngoLwesibili wabulala abafundi abathathu. Ulimaze njalo abayisithupha.
Isikhulumeli samapholisa kuleyondawo uMnu Mike McCabe utshele intathelizindaba ukuthi basadingisisa imbangela yalesisehlakalo.
Ukudutshulwa kwabantu, okugoqela ezikolo, kuyinsakavukela emelika ngoba imithetho ekhona yenza kubelula ukuthenga imibhobho kanti lesisekelo sombuso sipha uzulu lelolungelo.
Lanxa udlakela olunje luvamile kuleli, abanengi basele bekhuza umhlola ngoba umadubula ngumfundi ohlasele abanye bakhe.
Isizalwane seZimbabwe esihlala eMelika uMnu Muzobanzi Ncube utshele iStudio 7 ukuthi okuhluphayo eMelika yikuthi imbhobho ithengeka lula.
Your browser doesn’t support HTML5
Ingxoxo loMnu Muzobanzi Ncube