Umgcinisihlalo weMDC Alliance, uNkosazana Thabitha Khumalo, yena otshaywe ngabantu abagqekeze endlini yakhe ngoMgqibelo, sephumile esibhedlela.
UMaKhumalo utshele lumsakazo ukuthi usengcono kodwa ulokhu efuthelwa ikakhulu engalweni lasenyaweni lapho atshaywa khona ngenduku.
Isikhulumeli salelibandla koBulawayo uMnu Swithern Chirowodza uthi lanxa bengakabi lobufakazi obubambekeyo bokuthi ngobani abenze isihluku lesi, bacabangela abacuphi bakahulumende.
Your browser doesn’t support HTML5
Ingxoxo loMnu Swithern Chiroodza
Kusenjalo, umkhokheli weMDC Alliance uMnu Nelson Chamisa uthi ibandla leZanu PF lenza konke elikwenelisa ukubhidliza ibandla lakhe. Kodwa uthi alisoze liphumelele.
Kumbiko awethule izolo, uChamisa usole umbuso kaMongameli Emmerson Mnangagwa esithi uya usiba mubi ngamandla.
Uthe njalo ukuphuma kwamanye amalunga ebandla lakhe esiya kuZanu PF yinto enhle ngoba lokho kuveza sobala ukuthi izitha ngobani.