Umkhokheli welinye lamacele e-MDC uMnu. Morgan Tsvangirai uthi ibandla lakhe lizaphuma seliqinile ngamandla ngemva komhlangano omkhulu owe Congress yalelibandla oqalise ngoLwesihlanu eHarare, njalo uphela ngoMgqibelo, lapho okuguqulwa khona isisekelo sombuso salelibandla lokunye.
Ekhuluma kulumhlangano, uMnu. Tsvangirai usole abanye babo abaxexebuka kulelibandla bayabumba eleMDC Renewal Team esithi lokhu akuncedisi ukuguqula umbuso elizweni, lanxa ethe lokhu kulilungelo labo.
Isiphathamandla salelibandla uMnu. Abednico Bhebhe uthe ngoLwesihlanu bekuqhutshwa ukhetho lwabazakhokhela ugatsha lwabatsha lolwabesifazana kulelibandla.
Izikhundla ezincintiswa kakhulu ngezadaleka ngemva kokusuka kwabanye kulelibandla besiya ku Renewal Team, ezigoqela esika nobhala jikelele, esesikhulumi salelibandla, kanye lesomqoqi wenhlelo zalelibandla.
UBhebhe usichasisa okunengi ngalumhlangano wabo weCongress kungxoxo ayenze loSithandekile Mhlanga weStudio Seven.
Your browser doesn’t support HTML5
Ingxoxo loMnu. Abednigo Bhebhe