Umkhosi wokuthi ilizwe leZimbabwe lisebenzise amaRand akwele South Africa uya ulokhu ukhulu kulandela ukusilela kwedola leMelika emabhanga.
Lumkhosi waqala ngesikhathi sikahulumende womanyano lapho owayengumphathintambo wezemali, uMnu. Tendai Biti wathi kumele ilizwe lingene kumanyano we Rand Union ngoba kwakuzaphathisa ilizwe kudaba lwemali kodwa abanye ababekuhulumende lo bengabe Zanu Pf, okubalisa loMongamli Mugabe bala ukuthatha inyathelo leli.
During his time as finance minister, Tendai Biti proposed that Zimbabwe join the Rand Union but this was not adopted.
I Rand Union eyaziwa njalo ngokuthi yi Common Monetary Area ibalisa amazwe athi Swaziland, Lesotho, Namibia le South Africa.
Amazwe la asebenzisa irand lanxa amanye elemali yamazwe awo. Inkokheli zabamabhanga, abezombusazwe kunye lengcwethi ezicubungula ezomnotho bathi mpela kumele ilizwe lingene kumanayo we Rand Union ngoba lemali ethiwa ngama bond notes ezaqala ukusetshenziswa ngenyanga ka Mfufu akusoze kuphathise lutho.
Sixoxe lenye yengcwethi ezicubungula ezomnotho welizwe, uMnu. Bulisani Ncube laye othi irand kumele lisetshenziswe hatshi idola leMelika.
"NgesiNdebele kulomutsho othi abadlwane benja kabathungululi ngelanga linye. Lo ngumbono engiwubona lokhu ngilawo kusukela ngomnyaka ka 2009. Mina ubusele ungumbono engilokhu ngilawo ukuthi as long sisebenzisa idola leMeleika asisoze loba sifisa kanjani ukuthi siwukhweze umnotho waleli lizwe," kutsho uNcube.
Your browser doesn’t support HTML5
Ingxoxo loMnu. Bulisani Ncube