Umphathintambo kahulumende obona ngobudlelwano lamanye amazwe uMnu. Sibusiso Moyo uthi eleZimbabwe lizasayinelana lele South Africa ngoLwesibili izivumelwano zokuthuthukisa umnotho welizwe kanye lokuqinisa ubuhlobo phakathi kwamazwe womabili.
Ugatsha lukahulumende olubona ngokwethulwa kwembiko luthi uMnu. Moyo ubekhuluma emhlanganweni wesithathu oweZimbabwe South Africa Bi-National Commission ngoMvulo eHarare, lapho aqhubeke wathi eleZimbabwe liqakathekisa inhlelo zokuthuthukisa amafekithali ngoba yiwo ayinsika kwezomnotho.
Omunye kaMnu. Moyo weSouth Africa uNkosazana Lindiwe Sisulu utshele lo umhlangano ukuthi okwenzakala eZimbabwe kuthinta eleSouth Africa ngakho kufanele amazwe la asebenzelane ndawonye.
Lokhu kwenzakala umongemeli Cyril Ramaphosa weleSouth Africa efike elizweni ngoMvulo ntambama lapho afice eqoqelwe idili kanye lequla lakhe.
EleSouth Africa libikwa linikeze eleZimbabwe izipho zemtshina yama computer lokunye.
Umhlangano omqoka ubikwa ungoLwesibili lapho uMongameli Cyril Ramaphosa weSouth Africa lomongameli Emmerson Mnangagwa abazawuvula ngokusemthethweni.
Ukuhlaziya ukuqakatheka kwalumhlangano, sixoxe loMnu. Walter Nsununguli Mbongolwane, ingcwethi ecubungula ezombusazwe.
Your browser doesn’t support HTML5
Ingxoxo loMnu. Walter Nsununguli Mbongolwane
Kusenjalo, inengi lithi lidaniswa yikuthi aliboni impumela ecacayo kulandela imihlangano enjengale.
Your browser doesn’t support HTML5
UGibson Bhebhe Uyalandisa