Umongameli Emmerson Mnangagwa usenxuse osomabhizimusi bamanye amazwe labaselizweni ukuthi betshale imali kunhlelo zokwenjiwa kwelitshe le chromite njalo uthi kulemali yokusiza abafuna ukwenza lokhu.
Ubekhuluma emhlanganweni weInternational Chromium Developement Association Confrence-ICDA edolobheni leVictoria Falls ngoLwesithathu lapho obekucutshungulwa khona ukuthi ilitshe leli lingathuthukisa njani umnotho welizwe.
Iziphathamandla zihahulumende ezivela kungatsha ezehlukeneyo, ezigoqela umphathintambo obona ngezokwenjiwa kwamatshe aligugu uMnu. Winston Chitando, osomabhizimusi, labavela kwamanye amazwe bethule imbiko yabo ngaloludaba kulumhlangano.
Ebhala enkundleni yokuxhumana eyeFacebook, umongameli Mnangagwa uthe kusobala ukuthi inhlanganiso ye ICDA yona egxile eFrance, ilethemba lokuthi umnotho weZimbabwe uyathuthuka njalo imithetho yelizwe iyguquka, yikho ikhethe ukuqhuba lumhlangano eFolosi.
Ukucubungula loludaba, sixoxe lengcwethi ecubungula ezomnotho welizwe uMnu. Masimba Kuchera, yena othi kunengi okufanele eleZimbabwe likwenze ukwenzala ukuthi lingaqilibezelwa njalo lithole inzuzo kuloluhlelo.
Your browser doesn’t support HTML5
Ingxoxo loMnu. Masimba Kuchera