Umsekeli kaMongameli welizwe uMnu Emmerson Mnangagwa ukweleChina ukuyakhulumisana leziphathamandla zakulelolizwe ngezivumelwano zokudlelana kwezamabhizimusi ezalotshelwana phakathi kwamazwe womabili nyakenye.
UMnangagwa uhamba lomphathintambo wezamabhizimusi amancane uNKosikazi Sithembiso Nyoni lomphathintambo obona ngezamankampani uMnu Mike Bimha.
Iphephandaba leHerald lithi uMnangagwa uzalobelana ezinye njalo izivumwlano leChina ngenjongo yokuthuthukisa ubudlelwano kwezamabhizimusi.
EleZimbabwe selileminyaka lidlelana leChina ngemva kokwetheswa izijeziso kwezenotho ngamazwe angentshonalanga agoqela iMelika leBhilithani.
Ingcwethi kwezombusazwe uMnu Nkululeko Sibanda uthi akulalutho olubambekayo iZimbabwe esikutholile okubambekayo kubudlelwano lobu.
Your browser doesn’t support HTML5
Ingxoxo loMnu Nkululeko Sibanda