Owayengumqoqi wenhlelo zebandla leMDC-T uMnu Abednico Bhebhe uthi selilunga leMDC Alliance ekhokhelwa nguMnu Nelson Chamisa.
UBhebhe uxotshwe kuMDC-T nyakenye phambilini komhlangano wokukhetha inkokheli yalelobandla entsha oweCongress iMDC-T isakhokhelwa nguNkosazana Thokozani Khupe.
UBhebhe, yena owake waba ngumeli weNkayi South edale lePhalamende wamukelwe ngabeMDC Alliance ngempelasonto.
Isikhulumeli salelibandla kuWard 19 eNkayi uMnu Master Sikhosana uthi kusikhatshana esedluleyo sebamukele amalunga ayinkulungwane elamakhulu amahlanu, 1,500, evela kuMDC-T, yona esikhokhelwa nguMnu Douglas Mwonzora.
Your browser doesn’t support HTML5
Ingxoxo loMnu Master Sikhosana
Kodwa isikhulumeli seMDC-T uMnu Witness Dube utshele iStudio 7 ukuthi okukhulunywa yiMDC Alliance kungamanga aluhlaza.
Your browser doesn’t support HTML5
Ingxoxo loMnu Witness Dube