Ikhomidi ebonga ngezokwembwa isithumela amasaminisi kowayengumongameli welizwe, uMnu. Robert Mugabe ukuthi azochasisa ngodaba lwemali ingafika kumabhiliyoni alitshumi lanhlanu okuthiwa yanyamalala ngesikhathi sombuso wakhe.
UMugabe wakhuluma lokhu esethesa icala lokuqatha kuziphathamandla zikahulumende wakhe.
Likhomidi iphinde yabiza uNkosikazi Joice Mujuru ukuthi azochasisa ngokwenjiwa kwamatshe aliggugu, amadayimani eChiadzwa.
Omunye obiziweyo ngoweyenguskomitshi wamapholisa, uMnu. Augustine Chihuri ukuthi azochasisa ngenkampani ethiwa Gye Nyame layo ethiwa yayisemba amadayimani kodwa enye inkokheli yamapholisa eyabizwa yikhomidi le yalandula ukuthi inkampani le yayingeyamapholisa.
UMugabe umele ayopha ubufakazi bakhe kulikhomidi mhla ziku 9 ngenyanga ezayo.
Umgcinisihlalo walikhomidi, uMnu. Temba Mliswa uthi uMugabe bafuna achasise ukuthi aze athi amabhiliyoni la anyamalala kanti vele wayebuthethe ngaphi ubufakazi.