Umphathintabo kahululumende obona ngobudlelwano lamanye amazwe uMnu. Sibusiso Moyo, onguye ohola iqula elihlola ukhetho eBotswana ele SADC Electoral Observer Mission, uthi bazasungula lumsebenzi ngokusemthethweni ngoMvulo.
UMnu. Moyo uthi eleZimbabwe yilo elihola lumsebenzi ngoba lakhethwa ukukhokhela ugatsha olubona ngezomvikela kumanyano weSADC, Olwe Organ on Politics Defence and Security ngenyanga kaNcwabakazi.
Uthi ngalokho, eleZimbabwe lizahlola ukhetho oluqhutshwa kumazwe e-SADC kuwonalo umnyaka njalo bengagqiba umsebenzi eBotswana, bazalandela ngamanye amazwe akulumanyano.
Ugqibe umbiko wakhe ngokuthi ngumlandu wequla lakhe ukubona ukuthi abantu beBotswana bakhetha umongameli abamfunayo bekhululekile.
Umongameli Mokgweetsi Masisi okhokhela ibandla elibusayo eleBotswana Democracic Party ungqikilana loMnu. Duma Boko, owomanyano we Umbrella for Democratic Change, labanye.
Your browser doesn’t support HTML5
Lalela Loludaba Ngokugcweleyo