Izulu lesikhukhula eline ngempelaviki lidale umonakalo endaweni ezitshiyeneyo zelizwe ezigoqela eTsholotsho lapho elikhukhule khona imizi yemuli ezedlula ikhulu.
Imuli ezinengi zihlengwe ngamahelicopter ebutho zahanjiswa endaweni eziqakemeyo esigabeni sako Sipepa.
Uhlelo lolu beluqhubeka ngoMvulo njalo umphathintambo obona ngokwakhiwa kwezabelo, uMnu. Savior Kasukuwere, uveze ukuthi besokuhlengwe imuli ezilikhulu.
Isakhamuzi seTsholotsho, uMnu. Believe Gaule, utshele iStudio 7 ukuthi umumo mubi kakhulu esigabeni lesi.
Your browser doesn’t support HTML5
Ingxoxo loMnu Believe Gaule
“Sicela uncedo kulabo abangaphathisa. Okudingakala kakhulu yikudla, ingubo, amatende lokunye okungaphathisa abantu laba,” kutsho uMnu. Gaule.
Umphathintambo obona ngokuhamba kwezimota lokulungiswa kwemigwaqo uMnu. Joram Gumbo uthi mkhulu umonakalo obangelwe lizulu leli, elize leyezi leCyclone Dineo.
Wengeze wathi uhulumende wenza konke akwenelisayo ukuncedisa abaphatheke kubi.
UGumbo uphinde waxwayisa uzulu ukuthi engaze eqa imfula nxa igcwele.
Isixwayiso lesi siza ngemva kokufa komunye usomabhizimusi othwalwe ngumfula wafa ezama ukuwuchapha ugcwele.
Your browser doesn’t support HTML5
Ingxoxo loMnu Joram Gumbo