UMongameli weMelika uMnu Joe Biden uselutshaye indiva uphenyo oluveza ukuthi liya likhuphuka inani lezizalwane zelizwe lakhe ezithi uyehluleka umsebenzi.
Ekhuluma esedolobheni leRome, kweleItaly, ngeSonto ngemva komhlangano wamazwe athuthukileyo oweG20, uBiden uthe ukwehla kosekelo lwakhe akutsho lutho ngoba kuyinto ehlala isenzeka kubo bonke abaholi beMelika.
Uthe lanxa ebhekane lenkinga ezithile ekhaya, uthole usekelo olukhulu emhlangani lo lapho abakhokheli bamanye amazwe abakwamukele khona ukuthi iMelika isibambe iqhaza kundaba zomhlaba, hatshi lokho okwakusenzakala ngesikhathi sikaMnu Donald Trump.
Isizalwane seZimbabwe esihlala eMelika uMnu Garry Thwala Jackson utshele iStudio 7 ukuthi lanxa uBiden ekutsha indiva lokhu, usedanise abantu abanengi ababemthembile.
Your browser doesn’t support HTML5
Ingxoxo loMnu Garry Thwala Jackson
Khepha abasekeli bakaBiden bona bathi ukwehla kosekelo lwakhe akubethusi nanku kakafikisi lomnyaka owodwa engene embusweni.