Umongameli Emmerson Mnangagwa usole odokotela abaphakathi kokukhalala umsebenzi esithi benqabe kathathu ukwamukela kuhulumende iholo elengezelelweyo njalo kusobala ukuthi kulabantu abababhadalayo ukuthi bengabuyeli emsebenzini.
Umongameli Mnangagwa ubekhuluma eCity Sports Centre eHarare ngoMgqibelo, emhlanganweni labancedisa ukulwa impi yenkululeko ama war collaborators.
Uthe uhulumende usebenza gadalala ukuthi akhe indawo zokuhlala ezinengi ezizaphathisa odokotela laba, bona abathi bafuna kube lempahla zokusebenzisa ezeneleyo ezibhedlela njalo bengezelelwe iholo.
Kodwa isiphathamandla senhlanganiso yeZimbabwe Hospitals Doctors Association uMnu. Aaron Masara utshele iStudio 7 ukuthi lanxa imizamo ye Higherlife Foundation incomeka, uhlelo lwayo alucaci njalo ayisoze igcwalise zonke indingeko zabo ngoba ezibhedlela kuyabe kungelampahla zokusebenzisa.
Umongameli Mnangagwa uthe abangaqhubi inhlelo zokulima emapulazini abawanikwa nguhulumende ngohlelo lokwabiwa kutsha komhlabathi bazathathelwa kunikwe abanye njalo wakhuthaza abantu ukuthi bethuthukise isivuno sabo emasimini.
Ukucubungula loludaba, sixoxe loMnu. Max Mnkandla ingcwethi ecubungula ezombusazwe njalo owalwa kuviyo leZIPRA yena othi uyasekela umbono wokuthi amapulazi aphiwe abazalima kodwa uthi uhlelo lolu kufanelwe luqhutshwe ngemfanelo.
Your browser doesn’t support HTML5
Ingxoxo loMnu. Max Mnkandla