UMongameli Robert Mugabe usemhlanganweni we United Nations obona ngezolwandle, owe Oceans Conference, edolobheni le New York.
UMongameli Mugabe ukhatshwe ngunkosikazi wakhe, uGrace, umphathintambo wezomkhathi, uNkosikazi Oppah Muchinguri Kashiri, umphathintambo wezobudlelwano lamanye amazwe, uMnu. Simbarashe Mbengegwi, lezinye iziphathamandla.
Lumhlangano umanyanisa amazwe ayakhelane lolwandle njalo ukhokhelwa ngamazwe amabili, ele Fiji lele Sweden.
Uzulu weZimbabwe udideke ingqondo ngenjongo yokuya emhlanganweni lo lapho ele Zimbabwe lingekho duze lolwandle.
Esethula amazwi akhe emhlanganweni lo, uMugabe uthe udubo lokungalondozi ulwandle lufinyelele wonke amazwe kungakhathalekile ukuthi ilizwe libucwadlana lolwandle kumbe hatshi.
Your browser doesn’t support HTML5
UMugabe, njengenhlalayenza, usole amazwe angentshonalanga ngokufakela ilizwe izijeziso zenotho.
Your browser doesn’t support HTML5
Ukuhlaziya loludaba sixoxe lengcwethi ecubungula ezombusazwe, uMnu. Nkululeko Sibanda.
Your browser doesn’t support HTML5