UMongameli Robert Mugabe usuke elizweni ngoLwesithathu elubhekise kweleEthiopia ukuyaphatheka emhlanganweni wenhlanganiso yomanyano wamazwe awezwekazi labensundu owe African Union Summit.
Umhlangano lo ukhangelelwe ukuphatha indaba ezitshiyeneyo ezigoqela ezentuthuko, umkhuhlane weEbola lokungahlaliseki okuselizweni leNigeria okubangelwa ngabalwa becatsha bokholo lwesiMoslem abedlulisa amalawulo abeBoko Haram.
Ekupheleni komhlangano lo mhlaka 31 Zibandlela, uMugabe uzathatha ubukhokheli beAfrican Union okomnyaka engumgcinisihlalo.
Inhlanganiso ezizimeleyo zithi uMugabe kalungelanga ukukhokhela lumanyano ngoba engumuntu ongela nhonipho kundaba zombuso okhululekileyo lezamalungelo oluntu.
Kodwa esinye isiphathamandla seAU uMnu Erasmus Mwencha utshele iStudio 7 ukuthi kavumelani lenhlanganiso lezi.
IStudio Seven ixhume ingcwethi kwezombusazwe uMnu Rejoice Ngwenya yambuza ukuthi yena ubona uMugabe esenelisa na njengomkhokheli weAU ukulungisisa indubo izwekazi leAfrica elibhekane lazo.
Your browser doesn’t support HTML5
Ingxoxo loMnu Rejoice Ngwenya