Abakhokheli bamazwe eAfrica bakhethe uMongameli Mugabe ngoLwesihlanu ukuthi akhokhele umanyano weAfrican Union okomnyaka olandelayo.
Lokhu kwenzakale emhlanganweni weAU oqale liviki kweleEthiopia ovulwe okusemthethweni ngoLwesihlanu usiyaphela ngoMgqibelo.
Umhlangano lo ubuhlaziya indaba ezitshiyeneyo ezigoqela udaba lokuthuthukiswa kwabesifazana, ukulwisana labahlamuki beBoko Haram eNigeria lezinye indaba ezitshiyeneyo.
UMugabe uthethe isikhundla lesi kuMongameli weleMauritania uMnu Mohamed Aziz.
Ekhuluma emhlanganweni lo, uMongameli Mugabe uthe wamukela isikhundla lesi ngokuzithoba njalo uthembise ukusebenza nzima ukuthuthukisa izwekazi leAfrica.
Ukuhlaziya loludaba sixhume ohlaziya ezombusazwe njalo engumsekeli webandla leZanu PF uMnumzana Morris Ngwenya.
Your browser doesn’t support HTML5
Ingxoxo loMnu Morris Ngwenya
Siphinde saxhuma njalo ingcwethi kwezombusazwe uMnu Mlamuli Nkomo.
Your browser doesn’t support HTML5
Ingxoxo loMnu Mlamuli Nkomo