Umthethwandaba we High Court usufumane ummeli wesigaba se Bikita West edale lephalamende, uMnu. Munyaradzi Kereke elecala lokudlwengula umzukulu wakhe ngomnyaka ka 2010.
Loludaba belulokho lungathoniswa ngoba owayengumtshutshusi kahulumende, uMnu. Johannes Tomana wayesala ukuthi luye emthethwandaba.
UKereke uzahlala ejele okweminyaka elitshumi ngemva kokuba umantshi, uMnu. Noel Mupeiwa, esuse iminyaka emine ezafakwa nxa engadala elinye njalo icala elifanayo. Ukuhlaziya loludaba sixoxe lengcwethi ecubungula ezombusazwe, uMnu. Rejoice Ngwenya ukuze sizwe imbono yakhe ngaloludaba.
"Kuyatshengisela phela ukuthi udaba lomthetho, irule of law eZimbabwe iphambanisekile kakhulu ngoba abantu be Zanu PF basebenzisa umthetho otshiyeneyo," kutsho uNgwenya.
Your browser doesn’t support HTML5
Ingxoxo loMnu. Rejoice Ngwenya
Siphinde saxoxa lengcwethi ecubungula ezomthetho, uMnu. Robert Ndlovu othi uKereke ulakho ukucela umthethwandaba ukuthi uthonise njalo lelicala emthethwandaba waphezulu, iSupreme Court.
Kutsho uNdlovu: "Umuntuvwonke othiniswa emthethwandaba we High Court ulelungelo lukuthi nxa engasuthiseku ngesinqumo sikamantshi acele kumthethwandaba we supreme ukuthi icala lakhe likhangelwe njalo."
Your browser doesn’t support HTML5
Ingxoxo loMnu. Robert Ndlovu