Induna yeNtabazinduna uMnu. Felix Nhlanhlayamangwe Ndiweni uthi abamchothozayo ngodaba lwezijeziso zenotho abazwisisi akutshoyo njalo bakuthatha nganxele, ngesiNgisi “out-of-context.”
Lokhu kwenzakala uMnu. Ndiweni esekhweze emapholiseni udaba lokuhlaselwa kwakhe ngabantu ababikwa bathi basebenza ewofisini kamongameli welizwe njalo bazomthathela imota ayiphiwa nguhulumende ngoba besola akutshoyo ngokuthi ilizwe letheswe izinye izijeziso zenotho.
Iziphathamandla zikahulumende ezibalisa uMnu. Victor Matemadanda kanye loMnu. Nick Mangwana zisanda ukuchothoza uMnu. Ndiweni ngaloludaba.
UMnu. Ndiweni uthe lanxa wabonakala exoxa lomkhokheli weMDC uMnu. Nelson Chamisa, akusiqiniso ukuthi uxhasa ibandla lakhe ngoba njengenduna ukhulumisana lawo wonke umuntu njalo kasekeli uhlangothi oluthile kwezombusazwe.
Asizweni uMnu. Ndiweni esichasisela ngobudlelwano bezijeziso zenotho akhuluma ngazo, kanye lentabayezinduna esesigabeni sakhe, yona athi yiyo isisusa sendaba.
Your browser doesn’t support HTML5
Ingxoxo loMnu. Felix Nhlanhlayamangwe Ndiweni