Inhlanganiso yeUNICEF ithi inani labantwana abahlaselwe yindlala eZimbabwe liqongile kakhulu lisuka kunkulungwane ezilitshumi lanye, i11,000 nyakenye laya kunkulungwane ezingamakhulu amabili, i20,000 lonyaka.
Embikweni ewethule ngoLwesine, inhlanganiso le ithe abantwana abanengi kabasayi esikolo ngenxa yendlala kanye lokuswela imali yeSchool fees.
IUNICEF ithi njalo amankazana amanengi sethengisa imizimba ukuze aziphilise kanti abafana labo sebeziphandela ngokwemba amatshe aligugu ngaphandle komthetho.
Inhlanganiso le ithi phakathi kwemali eyidingayo eyizigidi ezingamatshumi amabili, $21, 8 million eyokudingela uzulu weZimbabwe ukudla, isithole izigidi ezintathu kuphela.
Umabhalane obona ngenhlalakahle kazulu kubandla lePeople’s Democratic Party (PDP) uMnu Sengezo Tshabangu uthi ngempela umumo wendlala uqhubeka usiba mubi, ikakhulu eMatabeleland North.
Your browser doesn’t support HTML5
Ingxoxo loMnu Sengezo Tshabangu