Ummeli weMelika eZimbabwe uMnu. Brian Nichols ube lethuba lokwethekelela isigodlo somsakazo oweVOA ekhulumisana labasakazi be Studio 7.
Kungxoxo ayenze leStudio 7, uAmbassador Nichols uthe ukhangelele ukuqinisa ubudlelwano bamazwe womabili. Lokhu ethi bazakwenza ngokuqinisa ukusebenzelana kunhlelo ezithile ezivele zikhona, ezifana lezempilakahle, ezamasiko ezemfundo, ezamabhizimusi lokunye.
U Nichols uthi ele Zimbabwe lilawo amathuba okulungisisa umnotho welizwe ngokuthuthukisa umsebenzi wokulima kanye lokwethekelelwa kwelizwe kaye lokuthuthukisa eombuso welizwe kumbe ngumbuso wentando kazulu njalo ogcwalisa indingeko zabantu.
UNichols ulandule ukuthi eleMelika yethesa ele Zimbabwe izijeziso zenotho esithi ngabantu abalikhulu lamatshumi amahlanu lane abakuluhlu lwabetheswa umlandu wokwephula ilungelo loluntu abakuzijeziso lezo. Ethi abantu laba balakho njalo ukukhitshwa kulolo luhlu nxa bengasebenzela ukuthi eZimbabwe kube lombuso wentando kazulu.
Your browser doesn’t support HTML5
Ummeli weMelika eZimbabwe uMnu Brian Nichols ekhuLuma ngeZIDERA
Uqhubeke uAmbassador Nichols ethi uhulumende wakhe uzimisele ukusebenzelana lowe Zimbabwe ukulwisa ukusabalala komkhuhlane wesihudo seCholera osubulele abatu abedlula amatshumi amathathu eHarare.
Your browser doesn’t support HTML5
Ummeli weMelika eZimbabwe uMnu. Brian Nichols ekhuluma ngomkhuhlane oweCholera
U Ambassador Nichols ufungiswe ukuqala umsebenzi ngoNtulikazi ethatha isikhundla esitshiywe nguMnu. Harry Thomas Junior osewaya ekuphumuleni kumpentsheni.
UNichols uthi usebe lethuba lokuhlangana loMongameli Emmerson Mnangagwa kanye lomkhokheli webandla eliphikisayo eleMDC, uMnu. Nelson Chamisa behlaziya elakusasa lobudlelwano phakathi kweZimbabwe leMelika njalo ukhangelele ukuba leminye imihlangano lababili laba.
Ucine esithi kuyisifiso sakhe ukubona ubudlelwano beZimbabwe leMelika buqina kulalokho okukhona manje.