Untombazana odabuka kwele Democratic Republic of Congo obangele ukuxokozela eHarare kulandela ukwesatshelwa ukuthi engabe elomkhuhlane we Ebola ubikwa esesindile emkhuhlaneni we malaria. Kodwa odokotela bathi impumela yenhlolisiso yegazi yakhe ayikaziwa kulandela uksiwa kwele South Africa.
Umqondisi wezempilakahle kumanisipala we Harare, uDokotela Prosper Chonzi utshele iStudio Seven ukuthi igazi likantombazana lo laphuza ukusiwa kwele South Africa osekuzabangela ukuthi impumela babeyazi NgoLweisibili kumbe ngoLwesithathu.
Umkhuhlane we Ebola usubulele abantu abedlula inkulungwane ezine, i 4 000 ikakhulu emazweni abalisa i Sierra Leone, Senegal le Liberia. Zimbabwe alilamuntu oseke watholakala elomkhuhlane lo.
UChris Gande weStudio Seven uxoxe loDokotela Trevor Moyo, othi ukusa igazi kwele South Africa kutshengisa ukuthi ilizwe kalizilungiselelanga ukwenqabela lumkhuhlane.
Your browser doesn’t support HTML5
Ingxoxo loDokotela Trevor Moyo