Umbukiso weZimbabwe International Trade Fair kumbe Z-I-T-F uqale namuhla koBulawayo lapho okulamankampani edlula kancane amakhulu ayisithupha lamazwe agoqela eleMelika, Australia, China, Botswana, Zambia lele Bhilithane.
Amanye ngathi eleBrazil, Eswatini, Indonesia, North Korea, Namibia leleRomania. Inhlanganiso yamazwe akuzwekazi leEurope eyeEuropean Union layo isembukisweni lo, okhangelelwe ukuba uzavulwa okusemthethweni nguMongameli William Ruto wakwele Kenya.
Kukhangelelwe njalo ukuba kuzaqhutshwa imihlangano yabosomabhizimusi eyokudlelana kahle kwezamabhizimusi.
Umgcinisihlalo weZ-I-T-F, uMnu. Busisa Moyo, uthi kuyajabulisa kakhulu okwenzakala lonyaka. Uthi kulamazwe afika amatshumi amathathu – 30 embukisweni walonyaka njalo kuhle kakhulu okubukiswayo.
Umbukiso weZ-T-I-F uqhutshwa minyaka yonke koBulawayo. Kukhangelelwe ukuba kuzavunyelwa uzulu ukuthi afike emagcekeni ombukiso lo lapho okuzabe kulombukiso njalo oweBulawayo Agricultural Show owezingwalo leminye ethakazelelwa ngabantu.
Uqhutshwa phansi kwesihloko esithi: Entrepreneurship: The Catalyst for Industrialisation and Trade’.