Amapholisa abuzisise iziphathamandla zebandla le MDC-T Renewal Team, uMnu. Reggie Moyo loNkosazana Rita Ndlovu ngomhlangano wokumanyanisa lelibandla lele MDC ekhokhelwa nguMnu. Welshman Ncube ozakwenziwa ngoMgqibelo enkundleni ye Stanley Square eMakokoba koBulawayo.
Ababili laba babuzisizwe okwesikhatshana lanxa umhlangano lo waphiwa imvumo ngamapholisa. Amapholisa athi balecala lokufuna ukwenza umhlangano ongelamvumo ngalokho kumele babuyele kusasa enkambeni yamapholisa.
UMoyo utshele iStudio Seven ukuthi uphinde wabuzisiswa ngohlelo abalwenze ngoMvulo olokupha abantu amagwaliba alembiko yomhlangano lo.
Your browser doesn’t support HTML5
Ingxoxo loMnu. Reggie Moyo
Ibandla leMDC elikhokhelwa nguMnu Welshman Ncube leleMDC Renewal azakwenza umhlangano omkhulu ngeSonto koBulawayo umbuzo omkhulu ungothi kambe umanyano wamabandla la uzaphumelela na.
Lanxa abamabandla la besithi uzaphumelela, abanye bathi ngembali yokuxexebuka njalonje kweMDC, akulaqiniso lokhu.
Ukuhlaziya loludaba sixhume ingcwethi kwezombusazwe uDr Brilliant Mhlanga lelunga leRenewal uMnu Albert Mhlanga, olilunga njalo ledale lephalamende.
UMnu Albert Mhlanga usungule lingxoxo.
Your browser doesn’t support HTML5
Ingxoxo loMnu Albert Mhlanga loMnu Brilliant Mhlanga