Ukusingulwa kwemali yohlobo lwama bond notes okukhangelelwe ukwenziwa ngenyanga ezayo sekudale imibuzo eminengi kulandela imbiko kasibalukhulu webhanga lesizwe, uMnu. John Mangudya eyokuthi izisebenzi zizathola ingxenye yeholo lazo ingeyohlobo lwama bond notes.
Ekuqaleni kwenyanga edluleyo uMangudya wayethe uzulu kasoze abanjwe ngamandla ukuthi asebenzise loluhlobo lwemali.
Inengi lithi kaliyifuni imali le ngoba ingasoze isebenze phandle kwelizwe.
Kodwa ingcwethi ecubungula ezomnotho, uMnu. Bulisani Ncube utshele iStudio Seven ukuthi uzulu kafuni limali ngoba engazwisisi kodwa wengezela esithi uzacina eyemukela.
UNcube uthi imali le izacina isemukelwa njengalokho okwenzakala ngesikhathi kusungulwa imali yama bond coins.
"Engizakutshela khona yikuthi udaba lwama bond notes lucacile kodwa ukusuka kuluphoxe yikuthi abantu abalembono etshiyeneyo, kwesinye isikhathi engasiloqiniso basuke babemphambili," kutsho uNcube.
Your browser doesn’t support HTML5
Ingxoxo loMnu. Bulisani Ncube