Uzulu weMelika ngoMvulo uzananza ikhefu leColumbus Day.
Usuku lolu ngolokuthakazelela ukufika kukaMnu Christopher Columbus ezihlengeni zeAmericas ngomnyaka ka1492 kulinyanga.
Kodwa ezinye izabelo zeMelika azilinanzi lelikhefu ngoba zisithi uMnu Columbus wahlukumeza abantu abathola kulezizihlenge.
Ngokunjalo, izabelo lezi zinanza ikhefu ezazibekela lona zalibuza ngokuthi yiIndegenous People’s Day.
Kolunye udaba olwehlukileyo, owake waba nguMongameli walelilizwe uMnu Donald Trump uthuke izizalwane zakweleHaiti ngempelasonto ezidinga ubuphepheli eMelika esithi ziza lomkhuhlane weAids.
UTrump ube lomhlangano eIowa lapho aveze khona ukuthi ulakho ukuncintisa kukhetho luka2024 kulandela ukunqotshwa kwakhe nguMongameli Joe Biden nyakenye.
Sixoxe lesizalwane seZimbabwe esihlala eTexas, eMelika uMnu Garry Thwala Jackson yena osole amazwi kaTrump esithi alenkethabetshabi.
Your browser doesn’t support HTML5
Ingxoxo loMnu Garry Thwala Jackson