Godfrey Malaba-Ncube: Votelani Umuntu Ngenxa Yezenzo Zakhe

WASHINGTON —  Umkhokheli webandla le ZANU PF umongameli Robert Mugabe ukhuthaza abantu ukuthi bevotele ibandla lakhe kukhetho oluzayo ngoba kuyilo elingavuselela amafekithali lezinye inhlelo zokuthuthukisa impilo yabantu.

Umongameli Mugabe ubekhuluma emhlanganweni we rally ye ZANU PF owenzelwe eMkoba Teachers’ College eGweru ngoLwesihlanu.

Wengezelele wathi iziphathamandla zebandla le MDC ezigoqela amakhansila kanye loMnu. Tendai Biti azithembekanga. Uthe uMnu. Biti wazakhela izindlu e South Africa njalo akwazakali lokutukuthi imali yesikhwama se International Monetary Fund wayisa ngaphi.

UMnu. Godfrey Malaba-Ncube, isiphathamandla sebandla le ZANU PF oncintisa kukhetho lolkudinga ozamela i Phumula edale lephalamende uthi uvumelana lamazwi kamongameli Mugabe.

UMnu. Malaba-Ncube uthe abantu sebenanzelela ukuthi kufanele bevotele umuntu ngenxa yezenzo zakhe hatshi ukumala ngoba engowebandla leZANU PF.
Uthe ngalesisizatho ulethemba lokuthi abantu be Phumula bazamvotela ngenxa yemisebenzi yakhe.

UMalaba-Ncube utshele uSithandekile Mhlanga weStudio 7 ukuthi yena wazalelwa ePhumula njalo uhlala khona, ngakho inhlupho zakulindawo uyazazi.

Ingxoxo LoMnu. Godfrey Malaba-Ncube