Owayengu Senator njalo engumgcinisihlalo webandla leMDC eMatabeleland South uMnu. Watchy Sibanda uthi usetshiyane lebandla leMDC-T wayaxhasana leleMDC Alliance ngoba ibandla abekulo lithi kufanele kusetshenzwe ndawonye leleZANU PF.
Your browser doesn’t support HTML5
Ingxoxo loMnu. Watchy Sibanda
Lokhu kwenzakala ibandla leMDC Alliance lisithi amalunga e-MDC-T amanengi eMatabeleland North lawo asethatha inyathelo elifanayo njalo lizabaveza ensukwini ezilandelayo.
Kodwa isikhulumeli seMDC-T uMnu. Witness Dube uthi abakemukeli ngokusemthethweni imbiko yabantu asebetshiya ibandla lakhe, ikakhulu eMatabeleland North, lanxa bekhululekile ukwenza lokho.
Uthi mhlawumbe abanye basola ukuthi akukalungiswa ezinye ingatsha zalelibandla ngenxa yeCOVID 19, okuyikho abaphatheke ngakho okwamanje.
Your browser doesn’t support HTML5
Ingxoxo loMnu. Witness Dube
Isikhulumeli seMDC Alliance eMatabeleleand South uMnu. Ntando Ndlela uthi baqhube umcimbi wokwamukela uMnu. Sibanda eGwanda, njalo kulezinye iziphathamandla zeMDC-T ezilubhekise kubandla lakhe.
Your browser doesn’t support HTML5
Ingxoxo loMnu. Ntando Ndlela