Kuliviki kuhlelo lweWoza Friday silegabazi emculweni weJazz uNdingo Johwa.
UJohwa uyisizalwane sakweleBotswana kodwa uthandwa kakhulu emazweni atshiyeneyo agoqela eZimbabwe, ikakhulu ePlumtree, ngoba ehlabela ngolimi lwesiKalanga.
Uqale ukulolonga isipho sakhe ebutsheni bakhe ngeminyaka yabo1960 kusiya kubo1970 etshaya lekatali yokuzibazela.
UJohwa uthi ikakhulu, ithuba lokuzilolonga walithola ngesikhathi ehlabela ekwayeni yeBaptist Church eFrancistown.
Ukhule wadlondlobala waba ngumculi ohloniphekayo hatshi kweleBotswana laseZimbabwe kuphela kodwa lasemazweni agoqela eSouth Africa lamanye lapho aseke waba lamagigi khona.
Okwamanje ulamadlalade ayisikhombisa njalo uphakathi kokuqoqa elesitshiyagalombili lona athi lizaphuma kumaviki ambalwa alandelayo.
“Isihloko salelidlalade sithi ‘N’gombe Mbili (Inkomo ezimbili’,” kutsho uJohwa yena okhankasela ukulondolozwa kwemikhuba yesiKalanga lolimi lwakhona.
Your browser doesn’t support HTML5
Ingxoxo loMnu Ndingo Johwa